JAHCHILD me give thankhs fi di I response originally. I man a silent member ah dis yah social arena fram me nuh love di chattings and reh reh ina Babylon, man is a very more reticent Ras.
And in all I time me did pree di site and check wha gwarn wid di Rastafari common unity online the I appeared as a very well meaning, balanced and humble Empress of Jah and me never did initially waan man perspective coz man a man already and me know I stance. So give thankhs again, love and inity.
Garveys Afrika haile! Give thanks fi overs I trod and shituation... I man see some folly jolly dread ah get good good ripe fiery heartikal Empress morewhile man ina di ghetto dem ah suffer. Man ah see conscious headwrapped locced Empress ah trade out fi dem culture in search of "stability". But when I man cross paths with dem ina supermarket or ina darnce wid fi dem spouse dem ah look shame so...dem ah look like "Ras, mi sorry never sight di I before mi did sekkle fi suh". And given the recent influx of migration of people in I part of UK these instances happen more and more and me jus a seh blowow.
So JAHCHILD and GA me ah tek all advice from the I's and will fulltinue.
Man trod dub dance, reggae show, REPARATION meeting, reggae festival, MUTABARUKA poetry session and still man ah search cah plenty succumba wah entice di Ras but mi nuh love UK dub music, mi nuh even love smoke erb awow and mi will hol big council reasoning ina darnce and grip microphone and talk to crowd mid service about pertinent social issues dat lef gyal brain topsy turvy now...manna multidimensional levitical Ras and me cyan sell out mi culture! But man give thanhks becah resilience ah bill yunuhzeeit?
Empress Lioness mi ah say hail. Hope seh tings a run alright any which part yuh deh, it fills I wid hope to know seh dere is genuine rootical Empress someweh dehbout eena UK. Empress Menen keep and guide di I always, man dehyah yuhnuh
Rastafari family ah di power ah di trinity....man nah sell out di ting.
Interfaith wudda nice yes...for a time....but Rastafari Relationships is ah need ana muss to keep the livity, culture and
faith alive....powa ah di trinity still. Levite ah seh so!
Blessings and Precepts of His Majesty and Her Majesty
Davidic Rule Always.
Haile I.
|
|