yuh ever wonder how come we cyar find no concrete solid evidence of de existence of dis guy geezus? now, we have history and evidence of our peoples as far back as the pyramids and the bhagvad gita and the iching and things like dat ...ever think about dat?...ah mean dis guy is so famous, whole countries build lives around dis guy and he ting...and we doh have no evidence of he existence, we cyar find shit....and he fadder....now he fadder is quite de guy.....first dis guy have the nerve to say he giving we commandments...10 ah dem...some people say is more...buh no matter how much he give we is de 10 we concerned wid...only one ah dem ah want tuh ask bout....he command we to not commit adultery...an how he have ah place fuh we wen we doh do wha he say...now is either he joking...or he just ah bully...now after he done say all dat...den he tun rong and make joseph wife pregnant!!....an my idren dem preaching and teaching these things dis guy is supposed to have said....dem fellas bun all kinda fyah on colonizer james, call him batty boi an all kinda ting....den de kicker is wen dey want tuh "prove" ah point....dey run an go get de book dat colonizer james give dem to show yuh what tis guy jeezus say...yes is dat same fella dat we cyar prove even exist!...imagine dat...dat is de same fella who modder make ah chile fuh ah man who is not she husband!....bacchanal yuh hear sah!!!
buh de best one is de story of dis edder fella name Moses....i confused yes wid dat story.....now, some ah we does say Moses was ah black man..ok...and how he modder put him in ah basket and put it in de river..ok....it float dong de river and end up way de king dawta was taking ah bath an she find him, right?...ok...buh de king at dat time was killing everybody first born son, so dat is why moses modder put him in ah basket....so some people say it had ah time wen some white king was ruling de place...so if was ah white king ruling and moses was ah black baby an de king dawta ( who ah tinking woulda also be white...ah doh know) buh anyway, she fine him...and she bring him in de palace wid she!...an he grow up and he was ah great leader.....so you mean tuh tell meh dat all dese years dis fella growing in de palace dat de king didnt see he was black?.....so is either de king was blind or de story is not true....an he didnt even ask he dawta way she get baby from!....an we done know dat if one ah we sister or modder come home wid baby dat doh belong tuh dey husband...dat is bacchanal
|
|
