MY MEDIA
My social media was the street corner,
Under de streetlight in de dead of night,
Sometimes by candlelight,
My google was old people,
My Wikipedia was my ancestor,
So based on ourstory , tell me how strong is yuh
Media my young brother?.
Listen tuh yuh elders,
Cause he might be older than yuh fadder.
My university was in de heart of de jungle
With Ture, Fanon and Rodney, along wid Butler and Garvey,
My social media was de street corner
In de dead of night wid ah candle light,
So wha yuh go say now youth man?
What is yuh plan?
Yuh say I deal in hypocrisy an it not revolutionary
But wen yuh neveh see de light yuh come tuh me,
Yuh want tuh join meh university,
Buh yuh cyar handle it, cause yuh still saddling horse wid de enemy,
Yuh borrow from he manners, yuh borrow from he food,
My social media was de street corner,
In de dark of night, sometimes without candle light,
My university was in de heart of de jungle,
Wid Ture, Fanon and Rodney along wid Butler an Garvey,
My google was old people
My Wikipedia was my ancestor.
Now sit yuh self dong an mind yuh mouth.
Ravin-I
|
|